වතුර ටික අරගන්න ඡන්දෙ දෙන මිනිස්සු
සමෘද්දිය ජනසවිය ගැන හිතපු මිනිස්සූ
හාල් පොත පෝර ටික ළඟ නැවුන මිනිස්සූ
ඉස්සරත් බොරුවලට රැවටිච්ච මිනිස්සූ
රස්සාව අරගන්න ඡන්දෙ දෙන මිනිස්සූ
ඉඩකඩම් ඔප්පුවට ඡන්දෙ දෙන මිනිස්සූ
ටෙන්ඩරේ අරගන්න ඡන්දෙ දෙන මිනිස්සූ
වාසියට හැමදාම ඡන්දෙ දෙන මිනිස්සූ
කට්ටියක් මරවන්න ඡන්දෙ දෙන මිනිස්සූ
මැරෙනකොට බේරෙන්න ඡන්දෙ දෙන මිනිස්සූ
ගොඩ ගත්තු මිනී ළඟ උණුවෙච්ච මිනිස්සූ
හැමදාම පාට ළඟ ඇස් වහපු මිනිස්සූ
ඇමති මැරුණම දුවට ඡන්දෙ දෙන මිනිස්සූ
පිය උරුමෙ ගෙනියන්න හයිය දුන් මිනිස්සූ
ගැහැණු වැන්ඳඹු දුකට ඡන්දෙ දෙන මිනිස්සූ
කඳුළු ළඟ පපු කැවුතු උණු වෙච්ච මිනිස්සූ
යුද්ධයක් දිනන්නට ඡන්දෙ දුන් මිනිස්සූ
දිනාගත් යුද්දෙටම ණය ගෙවන මිනිස්සූ
ආගමට ජාතියට ඡන්දෙ දෙන මිනිස්සූ
හැමදාම ගේමටම ඡන්දෙ දෙන මිනිස්සූ
රණසිසරු වගෙ ළැමට පෙම් බැඳපු මිනිස්සූ
බඩගින්නෙ සුදු පාට කකුල් හෙව් මිනිස්සූ
ඇන්දොතින් බිකිණියක් සුදුපාට වලස්සූ
ඡන්දෙ දෙයි ඇස් වහන් ලංකාවෙ මිනිස්සූ
කවිය - ජනිත් විතාරණගේ
උපුටා ගැනීම -සත්‍ය ගවේෂණය.
ඔබ ආණ්ඩුවට ඡන්දය දෙන්නේ යුද්ධය අවසන් කල නිසා නම් කරුණාකර යුද්ධය අවසන් කල
හමුදා සාමාජිකයන් වර්තමානයේ යෙදෙන ක්‍රියාවන් දෙස බලන්න. අරන්තාලාවේ
හාමුදුරුවන් ඝාතනය කළ කරුණා පිල්ලෙයාන් දැන් විඳින සැප දෙස බලන්න.
ඔබ ආණ්ඩුවට ඡන්දය දෙන්නේ ආර්තිකය ගැන සිතානම් ඔබ උපයන ආදායමත් ඔබේ වියදමත් ගනන් හදා බලන්න.
ඔබ අණ්ඩුවට ඡන්දය දෙන්නේ රටේ ගෞරවය ගැන සිතානම් අද ලෝකය හමුවේ අප රට පත්ව ඇති අපහාසු තාවය ගැන සිතන්න.
ඔබ ආණ්ඩුවට ඡන්ද්ය දෙන්නේ ඔබට රැකියාවක් ලැබුන නිසානම් ඔබට ආණ්ඩුවේ
දේශපාලකයන් පිටුපස ගොස් රැකියා ඉල්ලීමට තරම් පහතට වැටුනේ අවුරුදු 20 ක්
ආණ්ඩු කල මේ ආණ්ඩු නිසාම නොවේදැයි සිතා බලන්න.
ඔබ විපක්ෂයට ඡන්දය නොදෙන්නේ විපක්ෂය පණ නෑ කියා සිතන නිසානම් ඔබ මීට පෙර විපක්ෂයට ශක්තිමත් වීමට ඡන්දය දුන්නා දැයි සිතා බලන්න.
ඔබට තවදුරටත් ආණ්ඩුවටම ඡන්දය දීමට සිතෙන්නේ නම් වහාම ඔබ ඔබේ මානසික වෛද්‍යවරයා හමුවන්න.
ඔබ මීට පෙර කිසිවෙකුටවත් ඡන්දය නොදුන්නේනම් ඔබ මේ රටේ පුරවැසියකු බවට ඔබට හොඳටම විශ්වාසද?
