කට්රිනා සත්‍යය හෙළිකරයි

පසුගිය වසර 8ක කාලය පුරාම බොලිවුඩයේ සුපිරි නිළි කට්රිනා කයිෆ්, ඇය හා සුපිරි නළු සල්මන් ඛාන් අතර පැවති සබඳතාවය පිළිබඳව කිසිදු තොරතුරක් හෙළිනොකළාය. තමන් හා කට්රිනා අතර පැවති පෙම් සබඳතාවය මෙන්ම එය බිඳවැටීම පිළිබඳවත් සල්මන් ප්‍රසිද්ධ මාධ්‍ය වෙත හෙළිදරව් කළ ද කට්රිනා පිරුවේ නිහඬ වතකි. කට්රිනා, සල්මන් හා එක්ව රංගනයේ යෙදුණද, විවිධ උත්සව අවස්ථා සඳහා සහභාගි වුව ද සැමවිටම උත්සාහ දැරුවේ තමා හා සල්මන් හොඳ මිතුරන් බව ලෝකයාට ඒත්තු ගැන්වීමටය. අවසානයේ පසුගිය දිනෙක තමන් හා සල්මන් අතර වූ සබඳතාවය බිඳවැටුණු බව කට්රිනා පිළිගෙන තිබේ.කට්රිනා බොලිවුඩ් රංගනය පිවිසි මුල්ම අවධියෙහි පුවත්පතක් වෙත ලබාදුන් සම්මුඛ සාකච්ඡාවක් පසුගිය දිනෙක හදිසියේම හෙළිදරව් වී තිබේ. එහිදී ඇය තමන් හා සල්මන් අතර වූ සමීප සබඳතාවය පිළිබඳව විවෘතව අදහස් ඉදිරිපත් කර ඇත. මෙම ලිපිය නිසා මේ දිනවල සිය හිටපු පෙම්වතා සමග වෘත්තීය මට්ටමේ සබඳතාවය යහපත් ලෙස ගොඩනගා ගැනීමට උත්සාහ දරන කට්රිනා මහත් අපහසුතාවයට පත්ව ඇති බව වාර්තා වේ. ඇය වහා ක්ෂේත්‍රෙය් ප්‍රවීණයින් කිහිපදෙනෙකු වෙත දුරකථන ඇමතුම් ලබා දී මෙම ගැටලුව විසඳාගැනීමට අවශ්‍ය බව දැනුම් දී තිබේ.එමෙන්ම ඇය පුවත්පත් සාකච්ඡාවක් ලබාදෙමින් තමන් හා සල්මන් අතර පැවති පෙම් සබඳතාවය බිඳවැටුණු බව මාධ්‍ය වෙත හෙළිදරව් කර තිබේ. නමුත් දැනට මතුව තිබෙන ගැටලුව වන්නේ කට්රිනා අවසානයේ සල්මන් සම්බන්ධ ගැටලුව නිරාකරණය කිරීමට තීරණ කළේ මන්ද යන්නය. ආරංචි මාර්ග පෙන්වා දෙන්නේ මෙම ගැටලුව නිසා ඇය ඉමහත් අපහසුතාවයට පත්ව ඇති බවත්, රන්බීර් සමග වන සබඳතාවයට එය ගැටුවක් වනු ඇති බවට ඇය කල්පනා කරන්නට ඇති බවත්ය.? ආරක්ෂක උපක්‍රමයක් ලෙස ඇය මෙම පාපොච්චාරණය සිදුකරන්නට ඇති බව ද ආරංචි මාර්ග සඳහන් කරයි. සල්මන් හා ඇය අතර වූ සබඳතාවය පිළිබඳව තවදුරටත් යම් යම් ආරංචි මාර්ග රන්බීර් කපූර් හා ඔහුගේ පවුල වෙත යෑම වැලැක්වීමට අවශ්‍ය වන්නට ඇති බව ද බොලිවුඩ් ආරංචි මාර්ග සඳහන් කරයි. සල්මන් හා තමන් මින් ඉදිරියට මිතුරන් පමණක් බව ද කට්රිනා ප්‍රකාශ කර තිබේ. කිසිදු අමනාපකමක් දෙදෙනා අතර නොවන බව ද ඇය අවධාරණය කර තිබේ. මිතුරුදම හා වෘත්තීය මට්ටමේ සබඳතාවයක් හැරෙන්නට තමන් හා සල්මන් අතර වෙනත් සබඳතාවයක් නොවන බව සිය ප්‍රේක්ෂයන් වෙත අවධාරණය කිරීමට කට්රිනාට අවශ්‍යව ඇත. ඇගේ එම පණිවිඩය ප්‍රේක්ෂකයින් මැනවින් වටහාගනු ඇතැයි අපේක්ෂා කරමු.