තරග තුනකින් සමන්විත එක්දින ක්‍රිකට් තරගාවලියක් සඳහා සහභාගී වීමට ශ්‍රි ලංකා ක්‍රිකට් කණ්ඩායම ඕස්ට්‍රේලියාව බලා ඊයේ(17) පිටත්විය. එක්දින ක්‍රිකට් තරග තුනට අමතරව පන්දුවාර 20/20 ක්‍රිකට් තරගයක් ද මෙම තරගාවලියට ඇතුළත්ය.
ශ්‍රි ලංකාවේ අවසන් වරට පැවැත්වූ එක්දින ක්‍රිකට් තරගාවලියට සහභාගී නොවු මුත්තයියා මුරලිදරන් ද මෙම සංචාරයට ඇතුළත් කර තිබේ. කුමාර සංගක්කාරගේ නායකත්වයෙන් යුත් ශ්‍රි ලංකා සංචිතයට මහේල ජයවර්ධන, තිලකරත්න ඩිල්ශාන්, චාමර කපුගෙදර, ඇන්ජලෝ මැතිව්ස්, මුත්තයියා මුරලිදරන්, දිනේෂ් චන්දිමාල්, සුරාජ් රන්දිව්, නුවන් කුලසේකර ද ඇතුළත්ය.
මීට අමතරව ධම්මික ප්‍රසාද්, උපුල් තරංග, චාමර සිල්වා, දිල්හාර ප්‍රනාන්දු, ජීවන් මෙන්ඩිස්, ලසිත් මාලිංග, යන ක්‍රීඩකයින් ද සංචාරය සඳහා එක්ව සිටිති. පුහුණු තරග තුනකින් අනතුරුව පන්දුවාර 20/20 ක්‍රිකට් තරගය ලබන 31 වැනිදා ආරම්භ වීමට නියමිත අතර පළමු එක්දින ක්‍රිකට් තරගය ලබන මස තුන්වැනිදා ආරම්භ වේ.
No comments:
Post a Comment