වැඩිම ජාත්‍යන්තර සම්මාන ගණනාවක් දිනාගත් සුළං කිරිල්ලී අධ්‍යක්ෂණය කළ ඉනෝකා සත්‍යාංගනීගේ දෙවැනි සිනමා නිර්මාණය වන ‘සින්ඩ්‍රෙල්ලා’ හි මුහුරත් උළෙල පසුගියදා රාජගිරිය ඔපියුලන්ට් රිවර් ෆේස් හෝටල් පරිශ්‍රයේදී පැවැත්වුණි.
ක්‍රීඩා කටයුතු භාර කැබිනට් අමාත්‍ය මහින්දානන්ද අලුත්ගමගේ මහතා සහ එම මැතිණිය එදින ප්‍රධාන ආරාධිතයෝ වූහ. ජාතික චිත්‍රපට සංස්ථාවේ සභාපති කුමාර් අබේසිංහ, කලා කීර්ති, ආචාර්ය ඩී. බී. නිහාල්සිංහ, ටෙලිවිව් අධිපති සුනිල් රත්නායක, සනත් ගුණතිලක ඇතුළු කලාකරුවන් රැසක් ද මෙයට සහභාගි වූහ.
සුපිරි ක්‍රිකට් ක්‍රීඩක අකලංක ගනේගම ප්‍රධාන චරිතයකට පණ පොවමින් සිනමාවට පිවිසෙන මෙහි ප්‍රධාන නිළිය වී සිටින්නේ උපේක්ෂා ස්වර්ණමාලිය. සනත් ගුණතිලක, ඉන්ද්‍රචාප ලියනගේ සහ පුබුදු චතුරංග ද මෙහි රඟති.
අරුණ දුනුකේවිල සහාය අධ්‍යක්ෂණයෙන් ද, නිෂ්පාදන විධායකත්වයෙන් සමන් වික්‍රමරත්න ද, කලා අධ්‍යක්ෂණයෙන් බිමල් දුෂ්මන්තද, අංග රචනයෙන් ජමින්ද බණ්ඩාර ද, පසුබිම් සංගීතයෙන් නදීක ගුරුගේ ද, ගී තනු නිර්මාණයෙන් නවරත්න ගමගේ ද පසුබිම් ගායනයෙන් ඉන්ද්‍රචාප ලියනගේ සමඟ දෙරණ නාලිකාවේ ඩ්‍රීම් ස්ටාර් රියැලිටි තරගයේදී ගී ගැයූ ජනිත් දිල්රුක්ද මෙහි ගී ගයයි. මෙය An‘Art Vs Art’ නිෂ්පාදනයකි.
No comments:
Post a Comment