පසුගියදා ජනාධිපතිතුමා විසින් ආරක්ෂක හා විදේශ අමාත්‍යංශ අධීක්ශණය සදහා අධීක්ශණ මන්ත්‍රීවරුන් පත්කොට ඇත.දුමින්ද සිල්වා මහතා ආරක්ෂක අමාත්‍යංශය අධීක්ශණය සදහාත් සජින් වාස් මහතා විදේශ අමාත්‍යංශය සදහාත් අධීක්ශණ මන්ත්‍රීවරු ලෙස පත්කොට ඇත.
මොවුන් සියලු දෙනාම ප්‍රථම වතාවට පාර්ලිමේන්තුවට සුදුසුකම් ලැබුවෝ වෙති.මෙම අමාත්‍යංශ අධීක්ශණය කිරීමට මොවුන්ට ඇති සුදුසුකම් අපි නොදනිමු.එහෙත් සජින් වාස් විදේශ අමාත්‍යංශය අධීක්ෂණය ඇමති ධුරයට පෙර සිටම එයට බලපෑම් කරමින් මතබේදයට තුඩු දුන් ජනාධිපතිතුමාගේ ඔක්ස්ෆර්ඩ් ගමන් සුදානම් කල බව කාටත් රහසක් නොවේ.
මෙම අධීක්ශණ ඇමති ධුරය ආරම්භ කලේ ප්‍රේමදාස ජනාධිපතිය.නමුත් ඒ කාලයට වඩා දැන් අධීක්ශණ ඇමතිවරුන්ට ලැබෙන පහසුකම් බොහෝ වැඩිවී ඇත.
අධීක්ශණ මන්ත්‍රීවරුන්ට ලැබෙන දීමන
- අදාළ අමාත්‍යංශය මගින් වාහනයක් ලබා දීම
- එම වාහනය සදහා සීමාවකින් තොරව ඉන්ධන ලබා දීම
- දුරකථන පහසුකම් සිමාරහිතව ලබාදීම
- අමාත්‍යංශය මගින් කාර්යාලයක් හා සේවකයන් ලබා දීම
- අමාත්‍යංශය සදහා ලැබෙන විදේශ සංචාර ඇමතිවරයාගේ අභිමතය පරිදි ලබා ගත හැකි වීම.
මේ ඔවුන්ට ලබා දී ඇති දීමනා වලින් කොටසක් පමණි.මෙම තනතුරේ ඇමති යන වචනය නොමැති වුවත් මෙම තනතුර සදහා ලැබෙන වරප්‍රසාද නිසා මෙය බොහෝ දෙන හදුන්වන්නේ නිල නොවන ඇමති තනතුරක් ලෙසයි.කෙසේ නමුත් මෙම පත්කිරීම් සම්බන්ධයෙන් ආණ්ඩුව ඇතුළෙන්ම අප්‍රසාදය පල වී ඇත
No comments:
Post a Comment