 ශ‍්‍රී ලංකා හමුදාව හා කොටි සංවිධානය යුධ මුක්ත කලාපයටද ප‍්‍රහාර එල්ල කර ඇතැයි ශ‍්‍රී ලංකාවේ ඇමරිකානු තානාපති කාර්යාලය විසින් යවන ලද කේබල් පණිවිඩයක් උපුටා දක්වමින් විකිලීක්ස් වෙබ් අඩවිය සඳහන් කරයි. ඒ පිළිබඳව යුධ මුක්ත කලාපයේ සිටි වෛද්‍යවරුන් පස් දෙනකු ජාත්‍යන්තර මාධ්‍ය වෙත අදහස් පළ කර තිබිණි.කෙසේ වෙතත්, 2009 වසරේ ජූලි මාසයේදී මාධ්‍ය හමුවක් පවත්වමින් එම වෛද්‍යවරුන් පැවසුවේ රජයේ හමුදාව එවැනි පහරදීමක් සිදු නොකළ බවයි. එවැනි පහරදීමක් සිදුව ඇති බව ජාත්‍යන්තර මාධ්‍ය වෙත පැවසුවේ කොටි සංවිධානයේ බලපෑම මත බවද ඔවුහු පැවසූහ. එහෙත් විකිලීක්ස් වෙබ් අඩවියේ සඳහන් අන්දමට, වෛද්‍යවරුන් එම මාධ්‍ය හමුව පවත්වා ඇත්තේ රජයේ බලධාරීන්ගේ බලකිරීම හේතුවෙනි. මාධ්‍ය හමුවේ පැවසිය යුත්තේ මොනවාදැයි ඔවුන්ට බලධාරීන් ප‍්‍රකාශ කර ඇති බවත් මාධ්‍ය හමුවට පෙර දේශීය මාධ්‍යවේදීන් කිහිප දෙනකු ගෙන්වා පෙරහුරුවක් පවත්වා ඇති බවත් එහි අනාවරණය කර ඇත. යුද්ධය අතරතුර දී අත්අඩංගුවට පත් වූ මෙම වෛද්‍යවරුන් පස් දෙනා රක්ෂිත බන්ධනාගාර ගත කරන ලද අතර පසුව ඔවුන් ඇප මත නිදහස් කරනු ලැබිණි. |
SRI LANKAN HOT & FRESH NEWS PORTAL
Thursday, December 23, 2010
විකිලීක්ස් තවත් හෙළිදරව්වක්
Subscribe to:
Post Comments (Atom)
No comments:
Post a Comment